دایکندي کې د اوو لوبډلو ترمنځ د جام پایه په نوم د فوټسال سیالۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت له مرکز او ولسوالیو څخه د اوو لوبډلو ترمنځ د جام پایه په نوم د فوټسال سیالۍ پای ته ورسېدې، چې دوې اوونۍ یې دوام وکړ.
د دغو سیالیو په پایلوبه کې د طوفان ځوانانو لوبډلې خپلې سیالې اکادمي صفري لوبډلې ته د ۳/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټسال لوبو ته وده ورکول او د ځوانانو ترمنځ یووالی رامنځته کول و، د سیالیو په پای کې د ورزش مسوولینو له لوري غوره لوبډلې او لوبغاړو ته چمتو شوې ډالۍ ورکړل شوې.
