افغان نولس کلنې لوبډلې نړیوال جام کې پي اېن جي ته ماتې ورکړه
افغان نولس کلنې لوبډلې لوبډلې د نړیوال جام یو ورځينو سیالیو په لړ کې په خپله لومړنۍ لوبه کې پاپيو نيوګيني لوبډلې ته د یو سل او پنځه دیرش منډو په توپیر ماتې ورکړه.
په دې لوبه کې لومړی افغان لوبډلې توپ وهنه وکړه چې د لوبې په ۳۹ اور کې يې د ټولو لوبغاړو په سوځېدو سره سیالې لوبډلې ته د ۲۰۰ منډو هدف کېښود چې افغان لوبډلمشر سلېمان ساپي ۶۲ لوړې او اعجاز احمد ۴۵ منډې جوړې کړې.
د لوبې په دوهمه برخه کې د پاپیو نیوګينې لوبډلې د لوبې په ۲۱ اوور کې د ۶۵ منډو په جوړولو سره وسوځېد چېد توپ اچونې په برخه کې بیا اظهار الحق درې، ننګیالي خان او نوید ځدراڼ دوه دوه لوبغاړي وسوځول.
د نولس کلنو کرېکټ نړيوال جام سيالۍ د وېسټ انډيز په کوربتوب کرابين هېوادونو کې روانې دي. په دې سياليو کې ۱۶ لوبډلې برخه لري چې په څلورو ګروپونو وېشل شوې دي.
افغانستان چې په درېيم ګروپ کې ځای لري په ځنډ د رسېدو او د نړيوال جام د قرنطين محدويتونو پر اساس يې لومړنۍ سيالي چې ټاکل شوې وه د جنورۍ مياشتې پر ۱۶ ترسره شي وځنډه، له انګلنډ او اماراتو سره د چمتووالي لوبې هم ترې پاتې شوې دي.
ټاکل شوې چې د هر ګروپ د سر دوې لوبډلې به د منځني پړاو سياليو ته لار ومومي. افغانستان له ۲۰۱۰ کال راهیسې اووه ځله د نولس کلنو کرېکټ نړيوال جام سیاليو کې ګډون کړی چې په ۲۰۱۸ کال کې یې نيمه پايلوبې ته لار هم موندلې وه.
افغان لوبډله به سبا له پاکستان سره او د شنبې په ورځ له زیمبابوې سره به وکړي.
د یو ورځنیو لوبو دا نړیوال جام په ویسټ انډیز کې د جنوري په ۱۴مه پیل شو چې د فبروري تر پنځمې دوام کوي.
