پکتيکا کې د ۴ لوبډلو ترمنځ د رسۍ کشونې سيالۍ وشوې
د پکتيکا ولايت د بدني روزنې او ورزش آمريت له لوري د ياد ولايت په مرکز ښرنه کې د څلورو لوبډلو ۳۰ ورزشکارانو ترمنځ ملي او دوديزو لوبو ته د ودې ورکولو او سالم رقابت په موخه د رسۍ کشونې سيالۍ وشوې.
په يادو سياليو کې د ذاهد اتلانو، ريحان اتلانو، افضلي او روان اتلانو لوبډلو گډون کړی وو، چې په پايلوبه کې يې زاهد اتلانو لوبډلې خپلې سيالې ريحان اتلانو لوبډلې ته د زياتو امتيازونو په توپیر ماتې ورکړه او اتلولي يې وگټله.
