ننگرهار؛ مومندرې ولسوالۍ کې د ۸۰ لوبډلو ترمنځ د ټېپ بال کرېکټ سیالۍ پای ته ورسېدې
د ننگرهار ولايت د بدني روزنې او ورزش ریاست په همغږۍ د ياد ولايت په مومندرې ولسوالۍ کې د ۸۰ لوبډلو ترمنځ د ټېپ بال کرېکټ سیالۍ د عبدالحليم ټايگرز لوبډلې په اتلولۍ پای ته ورسېدې.
د يادو سياليو پايلوبه د عبدالحليم ټايگرز او کېنگ سټارز لوبډلو ترمنځ وشوه، د لوبې پچه عبدالحليم ټايگرز لوبډلې وگټله او لومړی يې د توپ وهنې پرېکړه وکړه، چې په ټاکلو نهو اورونو کې يې خپلې سيالې لوبډلې ته د ۱۷۴ منډو هدف کېښود، په ځواب کې کېنگ سټارز لوبډلې د ټولو اورونو په لوبولو سره ۱۱۸ منډې وکړې او لوبه يې د ۵۶ منډو په توپير وبايلله.
د يادونې وړ ده، چې دغو سياليو شاوخوا يوه نيمه مياشت دوام وکړ.
