دایکندي؛ مرکز نيلي کې د ۱۱ لوبډلو ترمنځ د واليبال سيالۍ پيل شوې
د دايکندي ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په مرکز نيلي کې د ۱۱ لوبډلو ترمنځ د واليبال مردان جام په نوم د واليبال سيالۍ پيل شوې، چې دوې اوونۍ به دوام وکړي.
د دغو سياليو په لومړۍ لوبه کې لبخند زندګي لوبډلې خپلې سیالې ياران الودال لوبډلې ته د ۳/۱ ميدانونو په توپير ماتې ورکړه او اتلولي يې خپله کړه.
د يادو سياليو موخه د واليبال لوبو ته وده ورکول او د ځوانانو هڅول دي.
