بغلان؛ فرنګ ولسوالۍ کې د ۱۶ لوبډلو ترمنځ د واليبال سيالۍ پای ته ورسېدې
د بغلان ولايت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په فرنګ ولسوالۍ کې له مرکز او ولسوالیو د ۱۶ لوبډلو ترمنځ د واليبال سيالۍ، چې څو ورځې مخکې پیل شوې وې د همبستګي سوق لوبډلې په اتلولۍ پای ته ورسېدې.
د دغو سياليو په پايلوبه کې همبستګي سوق لوبډلې خپلې سیالې خورشید ځوانانو لوبډلې ته د ۳/۲ ميدانونو په توپير ماتې ورکړه او اتلولي وګټله.
د يادو سياليو موخه د واليبال لوبو ته وده ورکول او واليبال لوبو ته د ځوانانو هڅول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
