هلمند؛ گرشک ولسوالۍ کې د فوټسال سيالۍ پای ته ورسېدې
د هلمند ولايت د بدني روزنې او ورزش آمريت په همغږۍ او د فوټبال فدراسيون د استازولۍ له لوري د گرشک ولسوالۍ اړوند هاشمي لوبغالي کې د ۱۹ب لوبډلو ترمنځ د فوټسال سيالۍ د عسکري لوبډلې په اتلولۍ پای ته ورسېدې.
د يادو سياليو پايلوبه کې عسکري لوبډلې خپلې سيالې ايف سي لوبډلې ته د ۶ پر ۲ گولونو په توپير ماتې ورکړه او اتلولي يې وگټله.
دا سيالۍ د ځوان نسل د سالم مصروفیت په موخه وشوې، چې درې اوونۍ يې دوام وکړ.
