غور؛ مرکز فیروز کوه ښار کې د دولتي ادارو د فوټسال غوره لیګ پيل شو
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز فیروز کوه ښار کې د ۱۰ لوبډلو ترمنځ د دولتي ادارو د فوټسال غوره لیګ سیالۍ دویم پړاو پيل شوې.
د دغو سیالیو لومړۍ لوبه د ښار جوړونې او د مسلکي او تخنکي تعلیماتو لوبډلو ترمنځ ۷/۷ مساوي پای ته ورسېده.
د یادو سیالیو موخه په دولتي ادارو کې د فوټسال لوبو ته وده ورکول او د کارمندانو ترمنځ یووالی رامنځته کول دي، چې دوې اوونۍ به دوام وکړي.
