کابل؛ د افغانستان وزلوبې اووم پړاو ليګ د پيل مراسم ترسره شول

org2_admin
پنجشنبه ۱۴۰۴/۹/۲۰ - ۱۸:۴۸
کابل؛ د افغانستان وزلوبې اووم پړاو ليګ د پيل مراسم ترسره شول

د يما پطرول - افغانستان وزلوبې اووم پړاو ليګ سياليو د پيل مراسم د هېواد د ورزش ادارې د عمومي رئيس مولوي احمدالله وثيق، د ملي راډیو تلویزون رئیس قاري محمد یوسف احمدي، د کابل والي ملا امین الله عبید، د ورزش ادارې فني او مسلکي معاون حافظ احمد جان ځدراڼ، د ورزش ادارې پخوانی رئیس انجینر نظر محمد مطمین، د وزلوبې فدراسیون رئیس حاجي سرور جلال، د ورزش ادارې د رهبرۍ غړو، د بېلابېلو ام.ار.ت.ي ادارو مسوولينو ،چاپندازانو او د ګڼ شمير مينوالو په ګډون ترسره شول.

د افغانستان وزلوبې ليګ اووم پړاو سيالۍ به د بهرنيو لوبغاړو په ګډون د يوولس لوبډلو( کندز، فارياب، بلخ، بدخشان، تخار، باميان، سرپل، پنجشير، سمنګان، بغلان او هرات) ترمنځ ترسره شي.

د دې سياليو د پيل په مراسمو کې د هېواد ورزش ادارې عمومي رئيس مولوي احمدالله وثیق ټولو راغلو ميلمنو ته د ښه راغلاست او د دې ليګ د مبارکۍ ترڅنګ وويل، سږ کال به دغه ليګ له تېرو پړاونو څخه په متفاوت ډول ترسره شي.

دغه راز د وزلوبې، نېزه وهنې او محلي لوبو ملي فدراسيون رئیس غلام سرور جلال راغلو ميلمنو او لوبډلو ته د ښه راغلاست ترڅنګ د‌ دې ليګ له ټولو مالي ملاتړ کوونکو څخه مننه وکړه.

ورپسې د افغانستان ملي راډيو تلويزيون عمومي رئيس قاري محمد يوسف احمدي خوښې وښوده، چې نن دغه ليګ رسماً پيلوي او ټولو ته يې مبارکي وويله.

د ويناو پر دوام د کابل والي الحاج ملا امين الله عبيد وويل؛ ورزش په تېرو کلونو کې ډېرې لاسته راوړنې لري او نه بايد په دې بسنه وکړو او نور هم کوښښ وکړو، چې خپلې عنعنوي لوبې نورې هم وغځوو.

همدارنګه د يما پطرول شرکت استازي سيد غفور احمد جاويد د مبارکۍ ترڅنګ وويل، موږ به تل د بزکشۍ له لوبو او پهلوانانو سره ولاړ يوو.

ټاکل شوې، چې د دې سياليو لومړۍ لوبه به سبا ( جمعه، د ليندۍ ۲۱مه) د کندز او بلخ لوبډلو ترمنځ ترسره شي.

تازه خبرونه

یکشنبه ۱۴۰۵/۸/۲۴ - ۱۳:۱۵
Background image

ننګرهار؛ ښېوې ولسوالۍ کې د ۴۰ لوبډلو ترمنځ د والیبال سیالۍ پای ته ورسېدې

د ننګرهار ولایت د بدني روزنې او ورزش ریاست له لوري د یاد ولایت په ښېوې ولسوالۍ کې د ۴۰ لوبډلو ترمنځ د والیبال سیالۍ د شګې مجاهد لوبډلې په اتلولي پای ته ورسېدې.

د یادو سیالیو پایلوبه کې. . .

یکشنبه ۱۴۰۵/۸/۲۴ - ۱۳:۱۳
Background image

زابل؛ مرکز قلات ښار کې د ۶۰ ورزشکارانو ترمنځ د توپ ډنډې سیالۍ ترسره شوې

د زابل ولایت د بدني روزنې او ورزش آمریت له لوري د یاد ولایت په مرکز قلات ښار کې د ۶۰ لوبډلو ترمنځ د توپ ډنډې سیالۍ پای ته ورسېدې.

د یادو سیالیو په پایله کې کاټلي مانده لوبډلې خپلې. . .

یکشنبه ۱۴۰۵/۸/۲۴ - ۱۳:۱۲
Background image

ننګرهار؛ روداتو ولسوالۍ کې د لسو لوبډلو ترمنځ د ټېپ بال کرېکټ سیالۍ پای ته ورسېدې

د ننګرهار ولایت د بدني روزنې او ورزش ریاست له لوري د یاد ولایت په روداتو ولسوالۍ کې د لسو لوبډلو ترمنځ د ټېپ بال کرېکټ سیالۍ د سور ډاګ لوبډلې په اتلولي پای ته ورسېدې.

د یادو سیالیو. . .

BACK TO NEWS