بلخ؛ دولت آباد ولسوالۍکې د شپږو لوبډلو ترمنځ د واليبال سیالۍ وشوې
د بلخ ولایت د بدني روزنې او ورزش ریاست اړوند د واليبال فدراسيون د استازولۍ له لوري د ياد ولایت په دولت آباد ولسوالۍ کې د شپږو لوبډلو ترمنځ د واليبال سیالۍ د قزل ایاق لوبډلې په اتلولي پای ته ورسېدې.
د یادو سیالیو پايلوبه کې قزل اياق لوبډلې د ٣ پر یو میدان په توپیر خپلې سیالې حق بیردي لوبډلې ته ماتې ورکړه او اتلولي یې وګټله.
یادې سیالۍ د بلخ ولايت واليبال ورزش ته د ځوانانو د هڅولو په موخه تر سره شوې، چې يوه شپه يې دوام وکړ.
