د نويو ځوانانو تکواندو ملي لوبډله نړۍ والو سیالیو کې د ګډون به موخه ازبکستان ته ورسېده
د نويو ځوانانو تکواندو ملي لوبډله چې څلور ورزشکاران، دوه روزونکي او دوه هیئتان پکې شامل دي، د تکواندو نړۍوالو سیالیو کې د ګډون په موخه ازبکستان ته ورسېدل.
له څلور ورزشکارانو څخه به مهدي یعقوبي په منفي ٤٥، علي رضا جامي په منفي ٦٨، سدیس سکندر په منفي ٧٣ او عذیر رشید په منفي ٧٨ کيلو ګرامه وزنونو کې سیالۍ وکړي.
د نويو ځوانانو تکواندو نړۍوالې سیالۍ د ازبکستان په کوربهتوب له ١١٦ هيوادونو څخه د ٩٩١ ورزشکارانو په ګډون سبا( د مارچ ١٢مه) پیلېږي او د مارچ تر ١٧مې نېټې به دوام وکړي.
