تخار؛ مرکز تالقان ښار کې د ۱۰۰ ورزشکارانو ترمنځ د ووشو ټاکنیزې سیالۍ وشوې
د تخار ولایت د بدني روزنې او ورزش امریت اړوند د ووشو ملي فدراسیون د استازولۍ له لوري د یاد ولایت په مرکز تالقان ښار کې د ۱۰۰ ورزشکارانو ترمنځ د ووشو ټاکنیزې سیالۍ وشوې.
دغه سیالۍ په بېلا بېلو کتګوریو کې ترسره شوې، چې په پایله کې ۳۳ ورزشکاران د یاد ولایت منتخبې لوبډلې ته وټاکل شول.
د یادو سیالیو موخه د تخار ولایت د ووشو منتخبې لوبډلې ته د غوره ورزشکارانو ټاکل و، چې یوه ورځ یې دوام وکړ.
د سیالیو په پای کې د تخار ورزشي امریت له لوري غوره ورزشکارانو د اتلولۍ حکمونه او ورزشي ډالۍ ورکړل شوې.
