زابل کې د ۵۰ پهلوانانو ترمنځ د سیمهییزې غېږ نیونې سیالۍ ترسره شوې
د زابل ولایت د بدني روزنې او ورزش آمریت اړوند د ملي او دودیزو لوبو د مدیریت له لوري د ۵۰ پهلوانانو ترمنځ د سیمهییزې غېږ نیونې سیالۍ ترسره شوې.
دا سیالۍ د خان کلي، سپینې غبرګې، خوازو، سیخاک، باکورزو، مغلیزو او کاکړانو سیمو ترمنځ ترسره شوې، چې په پای کې د سپینې غبرګې سیمې په بریا پای ته ورسېدې.
یادې سیالۍ ملي او دودیزو لوبو ته د ودې ورکولو په موخه ترسره شوې، چې یوه ورځ یې دوام وکړ.
