کندز کې د افغانستان د زونونو د فوټبال اتلانو سیالۍ پيل شوې
د کندز ولایت د بدني روزنې او ورزش ریاست اړوند د فوټبال ملي فدراسیون د استازولۍ له لوري د یاد ولایت په سپین زر ورزشي چمن کې د کندز ولایت په کوربتوب د شپږو لوبډلو ترمنځ د افغانستان د زونونو د فوټبال اتلانو سیالۍ پيل شوې.
د دغو سیالیو په لومړۍ لوبه کې هرات شمس کولا لوبډلې خپلې سیالې جوزجان مډرن کلب لوبډلې ته د ۴/۰ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د ۲۰۲۵ کال د هېواد د اتلانو لیګ ته د غوره لوبډلې موندل دي، چې لس ورځې به دوام وکړي.
