فاریاب؛ مرکز میمنه ښار کې د ۱۳۰ ورزشکارانو ترمنځ د پانکرېشن سیالۍ ترسره شوې
د فاریاب ولایت د بدني روزنې او ورزش امریت اړوند د پانکرېشن ملي فدراسیون د استازولۍ له لوري د یاد ولایت په مرکز میمنه ښار کې د کابل، بلخ، او فاریاب ولایتونو د ۱۳۰ ورزشکارانو ترمنځ د پانکرېشن سیالۍ ترسره شوې، چې یوه ورځ یې دوام وکړ.
د دغو سیالیو په پایله کې د فاریاب ولایت ورزشکارانو لومړی، کابل ولایت دویم او بلخ ولایت بیا درېیم مقام خپل کړ.
د یادو سیالیو موخه د پانکرېشن ورزش ته وده ورکول او د ورزشکارانو ترمنځ یووالی رامنځته کول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
