غور؛ دولتيار ولسوالۍ کې د ۳۰ ورزشکارانو ترمنځ د لاس چپه کولو سيالۍ ترسره شوې
د غور ولايت د بدني روزنې او ورزش امريت اړوند د ملي او دوديزو لوبو مديريت له لوري د ياد ولايت په دولتيار ولسوالۍ کې د ۳۰ ورزشکارانو ترمنځ د لاس چپه کولو سيالۍ ترسره شوې.
د دغو سياليو په پایله کې ابراهيم لومړی، عبدالقدير دويم او توحيدي بيا درېيم مقام خپل کړ.
د يادو سياليو موخه دوديزو لوبو ته وده ورکول او يادې ولسوالۍ منتخبې لوبډلې ته د غوره ورزشکارانو موندل و، چې يوه ورځ يې دوام وکړ.
