هلمند؛ ګرمسېر ولسوالۍ کې د لس لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولي له لوري د یاد ولایت په ګرمسېر ولسوالۍ کې د لسو لوبډلو ترمنځ د فوټبال سیالۍ د اریانا لکي لوبډلې په اتلولي پای ته ورسېدې.
د یادو سیالیو پایلوبه د لکړۍ ځوانانو او آریانا لکي لوبډلو ترمنځ ترسره شوه، چې په ټاکلي وخت کې لوبه صفر- صفر مساوي شوه، خو په پنالټیو کې بیا آریانا لکي لوبډلې د ۴/۳ ګولونو په توپیر خپلې سیالې لوبډلې ته ماتې ورکړه او اتلولي یې وګټله.
دا سیالۍ د ورزشکارانو ترمنځ د یووالي په موخه ترسره شوې، چې درې اوونۍ یې دوام وکړ.
