هرات؛ د فوټبال ملي لوبډلې د پاتې ورزشکارانو عصریه ورکړل شوه
د المپیک، بدني روزنې او ورزش عمومي ریاست د رئیس مولوي احمد الله وثیق، د هرات ولایت د فوټبال فدراسیون د رئیس داکتر شاه رسول احراري، د هرات ولایت ورزشي رئیس مفتي عبدالرحیم رحماني او د هیواد د ورزش ادارې د نورې رهبري په شتون کې د فوټبال ملي لوبډلې د پاتې ورزشکارانو د عصریې پیسې ورکړل شوې.
نوموړي هر تن ته ۱۳۲۰۰ افغانۍ د یوه کال عصریه ورکړل شوه، چې له دې وړاندې د نورو فدراسیونونو د ملي لوبډلو ورزشکارانو ته هم ورته مقدار عصریه ورکړل شوې وه، چې د ټولو شمېر ۳۷۶۷ تنو ته رسیږي.
د هرات ولایت د فوټبال فدراسیون رئیس احراري په خپلو خبرو کې د هیواد د ورزش ادارې له رهبري مننه وکړه، چې تل یې د ملي لوبډلو د ورزشکارانو لاسنیوی کړی، په ځانګړي ډول د عصریې اجراء یې د ملي لوبډلو له ورزشکارانو سره ستره همکاري یاده کړه او څرګنده یې کړه، چې اوسمهال د ا.ا د رهبري له خوا په دومره مقدار همکاري دا ښيي، چې ورزش ته په خاص ارزښت قایل دي.
