تخار کې د ۱۸ لوبډلو ترمنځ د فوټسال سيالۍ د جوانان کمال بای لوبډلې په اتلولۍ پای ته ورسېدې
د تخار ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په خواجه بهاوالدين ولسوالۍ کې د ۱۸ لوبډلو ترمنځ د فوټسال سيالۍ، چې يوه اونۍ مخکې پیل شوې وې د جوانان کمال بای لوبډلې په اتلولۍ پای ته ورسېدې.
د دغو سياليو په پايلوبه کې جوانان کمال بای لوبډلې خپلې سیالې جوانان شيوا لوبډلې ته د ۴/۲ ګولونو په توپير ماتې ورکړه او اتلولي يې خپله کړه.
