غزني کې د ۲۲ لوبډلو ترمنځ د واليبال سيالۍ د ميراګل اتلانو لوبډلې په اتلولۍ پای ته ورسېدې
د غزني ولايت د بدني روزنې او ورزش امريت اړوند د واليبال ملي فدراسیون د استازولۍ له لوري د لوی اختر د نمانځلو په موخه د غزني ولايت له ولسواليو او له پکتيا ولايت څخه د ۲۲ لوبډلو ترمنځ د واليبال سيالۍ، چې يوه مياشت وړاندې پيل شوې وې د ميراګل اتلانو لوبډلې په اتلولۍ پای ته ورسېدې.
د دغو سياليو په پايلوبه کې ميراګل اتلانو لوبډلې خپلې سیالې فروشګاه لوبډلې ته د ۳/۲ ميدانونو په توپير ماتې ورکړه او اتلولي يې خپله کړه.
د يادو سياليو موخه د لوی اختر نمانځل او د لوبغاړو ترمنځ يووالی رامنځته کول و؛ د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
