میدان وردګ؛ سید آباد ولسوالۍ کې د ١١٠ لوبډلو ترمنځ د والیبال سیالۍ پای ته ورسېدې
د میدان وردګ ولایت د بدني روزنې او ورزش آمریت اړوند د والیبال فدراسیون د استازولي له لوري د ياد ولايت په سید آباد ولسوالۍ کې د ١١٠ لوبډلو ترمنځ د والیبال اختریزې سیالۍ د ځوان عمر لوبډلې په اتلولي پای ته ورسېدې.
د دغو سیالیو پایلوبه کې ځوان عمر لوبډلې د ٣/٠ میدانونو په توپیر خپلې سیالې م.ج.اهد لوبډلې ته ماتې ورکړه او اتلولي یې وګټله.
دغه سيالۍ د لوی اختر په مناسبت پیل شوې وې، چې درې اوونۍ یې دوام وکړ او په پای کې اتلې لوبډلې ته یو عراده موټر سایکل او دویم مقام ته اته زره افغانۍ د ډالۍ په توګه ورکړل شوې.
