غزني کې د ۲۱ لوبډلو ترمنځ د فوټسال سيالۍ د پيشتازان گلزار لوبډلې په اتلولۍ پای ته ورسېدې
د غزني ولايت د بدني روزنې او ورزش آمريت اړوند د فوټبال فدراسيون د استازولۍ له لوري او د اميد فردا ورزشي ټولنې په مالي ملاتړ د ۲۱ لوبډلو ترمنځ د فوټسال سيالۍ، چې ۲۵ ورځې مخکې پيل شوې وې د پيشتازان گلزار لوبډلې په اتلولۍ پای ته ورسېدې.
د يادو سياليو پايلوبې ته د پيشتازان گلزار او مرکز عدالت لوبډلو لار پیدا کړه، چې په پايله کې پيشتازان گلزار لوبډلې خپلې سيالې لوبډلې ته د ۴ پر ۳ گولونو په توپير ماتې ورکړه او اتلولي يې وگټله.
د يادو سياليو موخه د مرکز او ولسوالیو لوبغاړو ترمنځ د واليبال ورزش ته وده ورکول و او په پای کې اتلې لوبډلې او لوبغاړو ته چمتو شوې ډالۍ ورکړل شوې.
