پکتیا کې د ۲۴ لوبډلو ترمنځ د فوټبال سیالۍ پیل شوې
د پکتیا ولایت د بدني روزنې او ورزش ریاست اړوند د فوټبال فدراسیون د استازولۍ له لوري د گردېز ښار په دولتزېو سیمه کې د ۲۴ لوبډلو ترمنځ "حکومت او ولس يو دی" په نوم د فوټبال دوستانه سیالۍ پیل شوې.
د دغو سیالیو په لومړنۍ لوبه کې حاجیانو لوبډلې خپلې سیالې مهلن لوبډلې ته د ۱ پر ۰ گول په توپیر ماتې ورکړه او بريا يې په خپل نوم کړه.
د يادو سیالیو موخه له نظام څخه د ولس ملاتړ ښودل شوې، چې ۲۰ ورځې به دوام وکړي.
