پکتیکا؛ مرکز ښرنه کې د ۱۲ لوبډلو ترمنځ د ټېپ بال کرکټ سيالۍ پای ته ورسیدې
د پکتیکا ولایت د بدني روزنې او ورزش امريت اړوند د ټېپ بال کرکټ فدراسيون د استازولۍ له لوري ياد ولايت مرکز اړوند د حاجي امير په سيمه کې د ۱۲ لوبډلو ترمنځ د ټېپ بال کرکټ سیالۍ د کوټوالو لوبډلې په اتلولۍ پای ته ورسیدې.
د دغو سیالیو پایلوبه د کوټوالو او ياروالو لوبډلو ترمنځ ترسره شوه، ياروالو لوبډلې د پچې په ګټلو سره د توپ وهنې پرېکړه وکړه، چې په ټاکلو اووه اورونو کې د پنځو لوبغاړو په سوځېدو سره مقابلې لوبډلې ته د ۸۳ منډو هدف وټاکه. په ځواب کې د کوټوالو لوبډلې ټاکل شوې هدف د لوبې په پنځم اور کې د دوو لوبغاړو په سوځېدو سره پور کړ او د اتو ویکټو په توپير سره يې لوبه وګټله.
د يادو سياليو موخه د ځوانانو ترمنځ يووالی رامنځته کول و، چې دوه ورځې يې دوام وکړ او په پای کې لومړي مقام ګټونکي لوبډلې ته يو دانه سېرلی ورکرړل شو.
