لغمان؛ په مهترلام کې د درې ولايتونو ۱۶۰ ورزشکارانو ترمنځ د پهلواني دوستانه سیالۍ ترسره شوې
د لغمان ولایت د بدني روزنې او ورزش امریت اړوند د پهلواني فدراسيون د استازولۍ له لوري د ياد ولايت مرکز مهترلام ښار کې د لغمان، ننګرهار او کابل ولایتونو د ۱۶۰ ورزشکارانو ترمنځ د پهلواني دوستانه سیالۍ ترسره شوې.
دغه سيالۍ، چې تنکيو ځوانانو، نويو ځوانانو، ځوانانو او لويانو په عمري کټګوريو کې ترسره شوې، چې په پايله کې لغمان لومړی، ننګرهار دوهم او کابل درېيم مقام ترلاسه کړ.
د يادو سياليو موخه د ورزشکارانو ترمنځ سالم رقابت او ورزش ته وده ورکول وو، چې دوه ورځې دوام وکړ او په پای کې غوره ورزشکارانو ته مډالونه او ستاينليکونه ورکول شول.
