هلمند؛ ناوې ولسوالۍ کې د اتو لوبډلو ترمنځ د فوټبال سيالۍ پيل شوې
د هلمند ولايت د بدني روزنې او ورزش آمريت اړوند د فوټبال فدراسیون د استازولۍ له لوري د ناوې ولسوالۍ په خوشحال ورزشي لوبغالي کې د اتو لوبډلو ترمنځ د يووالي په نوم د فوټبال گروپي سيالۍ پيل شوې.
د يادو سیالیو په لومړنۍ لوبه کې هزار آسپ لوبډلې خپلې سيالې خوشحال لوبډلې ته د ۲ پر ۰ گولونو په توپير ماتې ورکړه او بريا يې په خپل نوم کړه.
د ويلو وړ ده، چې دغه سيالۍ به ۱۲ ورځې دوام وکړي.
