د فوټبال له ۱۵کلونو کم عمره لوبډلې د نړۍوالو سیالیو C کټګورۍ هېوادونو کې درېیم مقام خپل کړ
له ۱۵ کلنو کم عمره فوټبال لوبډلې د فیفا له ۱۵ کلونو کم عمره نړۍوال جام او جشنواره کې د C کټګورۍ لوبډلو په درېیم مقام له کوربه ازربایجان سره سیالۍ کې دغه هېواد ته ماته ورکړه او د درېیم مقام ګټونکې شوه.
په دغه سیالۍ افغان لوبډلې له ارزبایجان سره لوبه ۳ – ۳ مساوي کړه؛ خو د پنالتي وهلو پړاو کې افغان لوبډله ۳ – ۲ له سیالې لوبډلې مخکې شوه او درېیم مقام یې خپل کړ.
یادې سیالۍ د ۱۹۰ هېوادونو په ګډون د آزربایجان په کوربتوب د روانې میلادي میاشتې پر ۲۴مه پیل شوې وې او نن ( د اکتوبر ۳۰مه) به پای ته ورسېږي.
