پکتیکا؛ په ارګون ولسوالۍ کې د ۲۰ لوبډلو ترمنځ د ټېپ بال کرېکټ سيالۍ د متين لوبډلې په اتلولۍ پای ته ورسیدې
د پکتیکا ولايت د بدني روزنې او ورزش امريت اړوند د ټېپ بال کرېکټ فدراسيون د استازولۍ له لوري د ياد ولايت ارګون ولسوالۍ په درې سيمه کې د ۲۰ لوبډلو ترمنځ د ټېپ بال کرېکټ سيالۍ ، چې ۱۱ ورځې مخکې پيل شوې وې د متين لوبډلې په اتلولۍ پای ته ورسیدې.
د دغو سياليو پايلوبه د متين او محمد حسن لوبډلو ترمنځ ترسره شوه. د متين لوبډلې د پچې په ګټلو سره د توپ وهنې پرېکړه وکړه، چې په ټاکلو لسو اورونو کې د پنځو لوبغاړو په سوځېدو سره مقابلې لوبډلې ته د ۱۵۰ منډو هدف وټاکه. په ځواب کې محمد حسن لوبډلې د ټولو لوبغاړو په سوځېدو سره ۱۲۳ منډې جوړې کړې او د ۲۶ منډو په توپير يې لوبه وبایلله.
د يادو سياليو موخه په لېرې پرتو سيمو کې ورزش ته وده ورکول وو.
