کابل کې د ۵۰ ورزشکارانو ترمنځ د رزمي ورزشونو طبما اماتور سبک سیالۍ ترسره شوې
د المپيک، بدني روزنې او ورزش عمومي رياست اړوند له طبما ملي فدراسيون سره په همغږۍ د چلينجر ورزشي انجمن له لوري د ۵۰ ورزشکارانو ترمنځ د «پسرلني جام» په نوم د رزمي ورزشونو طبما اماتور سبک سیالۍ، د کابل اعداد ال.ج.هاد د رزمي هنرونو ورزشي کمپ کې ترسره شوې.
په دې سیالیو کې له څلورو ولايتونو ( کابل، لوګر، پکتيا او خوست) څخه ۵۰ ورزشکارانو په درې عمري کټګوريو، نويو ځوانانو، ځوانانو او لويانو کې د يو بل پر وړاندې سیالۍ ترسره کړې، چې په پایله کې د خوست ورزشکارانو د ۲۰ نمرو په ترلاسه کولو سره لومړی، لوګر له ۱۵ نمرو سره دويم او کابل له ۱۲ نمرو سره درېيم مقام ترلاسه کړ.
يادې سیالۍ ورزش ته د ځوانانو هڅولو په موخه پيل شوې وې، چې يوه ورځ يې دوام وکړ.
د يادونې وړ ده، چې د دې سیالیو په پايله کې د ورزشي مسوولينو له لوري، لومړي مقام ګټونکې لوبډلې ته د اتلولۍ جام او لوبغاړو ته مډالونه او ستاينليکونه ورکړل شول.
