ننګرهار؛ چپرهار کې د ۱۸ لوبډلو تر منځ د والیبال سیالۍ پیل شوې
د ننګرهار ولایت د بدني روزنې او ورزش ریاست اړوند د والیبال فدراسیون د استازولۍ له لوري د ياد ولايت په چپرهار ولسوالۍ کې د ١٨ لوبډلو ترمنځ د والیبال سیالۍ پیل شوې.
ټاکل شوې وه، چې د دغو سیالیو لومړۍ لوبه د چینه فقیرزي او ډاګو رفیع الله لوبډلو ترمنځ ترسره شي، خو ډاګو رفيع الله لوبډله لوبې کولو ته حاضره نه شوه او چينه فقیرزی لوبډله بریالۍ اعلان شوه.
دا سیالۍ ورزش ته د ځوانانو د هڅولو او له نشه يي توکو سره د مبارزې په موخه پیل شوي، چې یوه اوونۍ به دوام وکړي.
