هلمند؛ ګرمسېر ولسوالۍ کې د ٣٢ لوبډلو ترمنځ د فوټبال سیالۍ پیل شوې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د ياد ولايت په ګرمسېر ولسوالۍ کې د ٣٢ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د اقبال او هزار جفت مرکزي لوبډلو ترمنځ ترسره شوه، چې په پایله کې یې اقبال لوبډلې د ٤/٢ ګولونو په توپیر خپلې سیالې هزار جفت مرکزي لوبډلې ته ماتې ورکړه او د سیالیو لومړۍ بریا یې خپله کړه.
دا سیالۍ د ځوانانو ترمنځ د یووالي او د دوی لپاره د سالمې تفرېح برابرولو په موخه پیل شوي دي، چې ٢٩ ورځې به دوام وکړي.
