علي بلال د بدن ښکلا په ارنولد کلاسیک سیالیو کې لومړی مقام خپل کړ
د ۲۰۲۵ کال د بدن ښکلا ارنولد کلاسیک سیالیو کې، چې د امریکا متحده ایالاتو د هوهایو ایالت په کلمبوس ښار کې تر سره شوې، افغان ورزشکار علي بلال پکې لومړی مقام خپل کړ.
علي بلال تر دې مخکې د بدن ښکلا په مسټر المپیا سیالیو کې دویم مقام او د پیټسبورک پرو او نیویورک پرو سیالیو کې لومړي مقامونه ګټلي دي.
د ارنولد کلاسیک سیالۍ هر کال په امریکا متحده ایالاتو کې د بدن ښکلا مشهور ورزشکار ارنولد شوارتز لخوا ترسره کېږي، چې د ډېری هېوادونو ورزشکاران ګډون پکې کوي.
دغه سیالۍ سږ کال د فیبروري میاشتې پر ۲۹ مه پیل او نن ( د مارچ پر دویمه) پای ته ورسېدې.
