دایکندي کې د ۱۶ لوبډلو ترمنځ د فوټبال سیالۍ د امید رویان لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په کیتي ولسوالۍ کې د یو بل منلو جام په نوم د ۱۶ لوبډلو ترمنځ د فوټبال سیالۍ، چې دوې اونۍ مخکې پيل شوې وې د امید رویان لوبډلې په اتلولۍ پای ته ورسېدې.
د دغو سیالیو په پایلوبه کې امید رویان لوبډلې خپلې سیالې جوانان دشت لوبډلې ته د ۳/۲ ګولونو په توپير ماتې ورکړه او اتلولي یې خپله کړه.
د یادو سیالیو موخه په کیتي ولسوالۍ کې د فوټبال ورزش ته وده ورکول او یووالی رامنځته کول و؛ د سیالیو په پای کې غوره لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
