هلمند؛ مارجې ولسوالۍ کې د ١۶ لوبډلو ترمنځ د ټېپ بال کرېکټ سیالۍ پای ته ورسېدې
د هلمند ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ له لوري د ياد ولايت مارجې ولسوالۍ کې د ١۶ لوبډلو ترمنځ د ټېپ بال کرېکټ سیالۍ د ځواک الف لوبډلې په اتلولي پای ته ورسېدې.
د یادو سیالیو پایلوبه د ځواک الف او اتحاد کاروان لوبډلو ترمنځ ترسره شوه. د لوبې پچه ځواک الف لوبډلې وګټله او لومړی یې توپوهنه وکړه، چې په ټاکلو ١٢ اورونو کې یې د پنځو ویکټو په زیان خپلې سیالې لوبډلې ته د ١۵۶ منډو هدف وټاکه. اتحاد کاروان لوبډلې د هدف په تعقیب کې د ټولو ویکټو په زیان ١٣٠ منډې وکړې او د ٢۵ منډو په توپیر یې لوبه وبایلله.
دا سیالۍ د سیمې د ځوانانو لپاره د سالمې تفرېح برابرولو په موخه ترسره شوې، چې درې اوونۍ یې دوام وکړ.
