کابل؛ د پنځو فدراسیونونو ورزشکارانو ته د اسلامي معلوماتو اصلاحي سمینار پای ته ورسېد
د المپیک، بدني روزنې او ورزش عمومي ریاست اړوند د دعوت او ارشاد ریاست له لوري په کابل کې د ورزش ادارې له پنځو فدراسیونونو څخه ۱۲۵ مسولینو او ورزشکارانو ته د اسلامي معلوماتو د ورکړې درې ورځنی اصلاحي سمینار پای ته ورسېد.
په دغه سمینار کې د نښې ويشتنې، پارکور او فريزبي ، فوټسال او پارا المپیک فدراسیونونو مسولینو او ورزشکارانو ګډون کړی و، چې درې ورځې یې دوام وکړ.
د ياد سمينار د پای په مراسمو کې، د هېواد ورزش ادارې مالي او اداري رييس مولوي عبدالناصر هاشمي، د دعوت ارشاد رييس مولوي داد محمد بريال عطايي ورزشي مسولينو او ورزشکارانو ګډون کړی وو.
د یادونې وړ ده، چې د ياد سمينار په پای کې برخه اخيستونکو مسولينو او ورزشکارانو ته تصديق پاڼې ورکړل شوې.
