ميدان وردگ؛ په چک ولسوالۍ کې د ۳۰ لوبغاړو ترمنځ د تیږې اچونې سیالۍ پای ته ورسېدې
د ميدان وردگ ولايت د بدني روزنې او ورزش امريت اړوند د ملي او دوديزو لوبو مديريت له لوري د ياد ولايت د چک ولسوالۍ په ذولفقار کلي کې د ۳۰ لوبغاړو ترمنځ د تیږې اچونې سیالۍ پای ته ورسېدې.
د دغو سياليو په پايله کې ماهر لومړی، محمد ضياء دويم او صبغت الله درېيم مقام ترلاسه کړ.
د يادو سياليو موخه ملي او دوديزو لوبو ته وده ورکول و، چې يوه ورځ يې دوام وکړ، په پای کې غوره لوبغاړو ته مډالونه او ستاينليکونه ورکړل شول.
