هلمند؛ خانشین ولسوالۍ کې د ۱۲ لوبډلو ترمنځ د فوټبال سیالۍ پای ته ورسېدې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري د ياد ولايت د خانشین ولسوالۍ په مينوال لوبغالي کې د ۱۲ لوبډلو ترمنځ د فوټبال سیالۍ، چې دوې اوونۍ مخکې پيل شوې وې د مينوال لوبډلې په اتلولۍ پای ته ورسېدې.
د دغوسياليو په پايلوبه کې مينوال لوبډلې خپلې سيالې قسمت لوبډلې ته د ۲/۰ ګولونو په توپير سره ماتې ورکړه او اتلولي يې وګټله.
د يادو سياليو موخه ورزش ته د ځوانانو هڅول و.
د دغو سياليو په پای کې شفيق الله غوره لوبغاړی او ولی محمد غوره ګول وهونکی ونومول شوه او ډالۍ يې ترلاسه کړي.
