بلخ؛ بلخ ولسوالۍ کې د ۷۰ چاپندازانو ترمنځ د وزلوبې سيالۍ ترسره شوې
د بلخ ولايت د بدني روزنې او ورزش رياست اړوند د وزلوبې فدراسیون د استازولۍ له لوري د ياد ولايت په بلخ ولسوالۍ کې د ۷۰ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې د ميدان د حکم له لوري دوه اخرالاقه اعلان شول، چې لومړی اخرالاق فريد پهلوان د سيد علم آغا چهارسنګي په آس او دويم اخرالاق شمس الدين پهلوان د حسين پرزه فروش په اس تر حلالې دايرې ورسول او د سياليو گټونکي شول.
د يادولو وړ ده، چې د دغو سياليو موخه د یاد ولایت غوره لیګ ته د چاپندازانو لا ښه چمتووالی او د ياد ولايت وگړو لپاره د سالمې تفريح برابرول وو، چې يوه ورځ يې دوام وکړ.
