دایکندي؛ سنک تخت بندر ولسوالۍ کې د ۳۰ ورزشکارانو ترمنځ د موی تای سیالۍ ترسره شوې
د دایکندي ولایت د بدني روزنې او ورزش امریت اړوند د موی تای ملي فدارسیون د استازولۍ له لوري د یاد ولایت په سنک تخت ولسوالۍ کې د ۳۰ ورزشکارانو ترمنځ د نویو ځوانانو، ځوانانو او د مشرانو ورزشکارانو په عمري کټګوریو کې د موی تای سیالۍ ترسره شوې.
دغه سیالۍ د تک فایټ په ډول ترسره شوې، چې په پایله کې ۱۵ ورزشکارانو خپلو سیالانو ته په ماتې ورکولو سره د اتلولۍ مقامونو او د ډالیو ګټونکي شول.
د یادو سیالیو موخه د ځوانانو او ورزشکارانو ترمنځ رزمي سیالیو ته وده ورکول و.
د سیالیو په پای کې غوره ورزشکارانو ته چمتو شوې ډالۍ ورکړل شوې.
