کابل؛ د هېواد ورزش ادارې شپږو ورزشي فدراسيونونو مسوولينو او ورزشکارانو ته د دعوت او ارشاد رياست اصلاحي سمينار پای ته ورسېده
د المپيک، بدني روزنې او ورزش عمومي رياست اړوند د دعوت او ارشاد رياست اصلاحي او د اسلامي زده کړو د ورکړې سمينارونو په دوام د ياد ریاست شپږو فدراسيونونو مسوولينو او ورزشکارانو ته اصلاحي سيمينار، چې درې ورځې مخکې پیل شوی و پای ته ورسېده.
د دغه اصلاحي سیمینار د پای په مراسمو کې د المپيک، بدني روزنې او ورزش عمومي ریاست فني او مسلکي مرستیال حافظ احمد جان ځدراڼ، د یاد ریاست مالي او اداري رییس عبدالناصر هاشمي، د کابل بدني روزنې او ورزش رییس مولوي عتیق الله خالد، د یاد ریاست د نشراتو رییس اتل مشواڼي، د دعوت او ارشاد ریاست مسوولینو او مشاورینو ګډون کړی وو.
په دغه سمینار کې د تکواندو، والیبال، سنوکر، کیک بوکسينگ، طبما او رزمي لوبو فدراسیونونو مسوولینو او شاوخوا ۱۴۰ تنو ورزشکارانو ته د اسلام مبارک دین په چوکاټ کې د ورزشي قوانینو اړوند اصلاحي سمینار وړاندې شو.
د يادولو وړ ده، چې د یاد سیمینار وروسته د هېواد ورزش ادارې نورو فدراسینونو مسوولینو او ورزشکارانو ته به هم دې ته ورته سیمینارونه ترسره شي.
