خوست؛ نادرشاه کوټ ولسوالۍ کې د ۲۰ لوبډلو ترمنځ د فوټبال سیالۍ پیل شوې
د خوست ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت په نادرشاه کوټ ولسوالۍ کې د ۲۰ لوبډلو ترمنځ د فوټبال سیالۍ پیل شوې.
د یادو سیالیو لومړۍ لوبه د حجریم ځوانانو او ترکۍ چلېنجر لوبډلو ترمنځ ترسره شوه، چې په پایله کې یې ترکۍ چلېنجر لوبډلې د ۲/۰ ګولونو په توپیر خپلې سیالې لوبډلې ته ماتې ورکړه او د سیالیو لومړۍ بریا یې په خپل نوم ثبت کړه.
دا سیالۍ فوټبال لوبې ته د ودې ورکولو په موخه پیل شوي دي، چې یوه میاشت به دوام وکړي.
