زابل؛ په قلات ښار کې د ۳۸ ورزشکارانو ترمنځ د ځغاستې سيالۍ ترسره شوې
د زابل ولايت د بدني روزنې او ورزش امريت اړوند د اتليتک فدراسيون د استازولۍ له لوري د ياد ولايت په مرکز قلات ښار کې د ۳۸ ورزشکارانو ترمنځ ملي او دوديزو لوبو ته د ودې ورکولو او پرمختگ په موخه د ځغاستې سيالۍ ترسره شوې.
دغه سيالۍ، چې يوه ورځ يې دوام وکړ، په پايله کې بسم الله لومړی، فايد الله دويم او حاجي محمد بيا درېيم مقام ترلاسه کړ.
د يادولو وړ ده، چې د دغو سياليو په پای کې د ياد ولايت د ورزش امريت له لوري غوره ورزشکاران ته ورزشي وسايل ورکړل شول.
