کونړ؛ په وټه پور ولسوالۍ کې د ۲۱ لوبډلو ترمنځ د ټېپ بال کرکټ سيالۍ پيل شوې
د کونړ ولايت د بدني روزنې او سپورټ امريت په همکارۍ د وټه پور ولسوالۍ په پارک سيمه کې د ۲۱ لوبډلو ترمنځ د ځوانانو يووالي په موخه د ټېپ بال کرکټ سيالۍ د وټه پور B لوبډلې په بريا پيل شوې.
د يادو سياليو لومړۍ لوبه د وټه پور A او وټه پور B لوبډلو ترمنځ ترسره شوه، وټه پور B لوبډلې د لوبې پچې په گټلو سره په ټاکلو اته اورونو کې د دوو لوبغاړو په سوځېدو سره سیالې لوبډلې ته د ۱۲۹ منډو هدف کېښود، وټه پور A لوبډلې ياد هدف ترلاسه نه کړ او د لسو منډو په توپير يې ماته ومنله.
د يادونې وړ ده، چې دغه سيالۍ به شاوخوا ۲۰ ورځې دوام وکړي.
