کونړ؛ منورې ولسوالۍ کې د ۱۲ لوبډلو ترمنځ د ټېپ بال کرکټ سيالۍ پای ته ورسېدې
د کونړ ولایت د بدني روزنې او ورزش امریت اړوند ټېپ بال کرکټ فدراسیون د استازولۍ له لوري د ياد ولايت منورې ولسوالۍ په حصارې سيمه کې د ۱۲ لوبډلو ترمنځ د ټېپ بال کرکټ سیالۍ، چې ۱۵ ورځې وړاندې پیل شوې وې پای ته ورسېدې.
د دغو سیالیو پایلوبه د مارکيټ ځوانانو او محصلينو لوبډلو ترمنځ ترسره شوه، لومړی توپوهنه محصلينو لوبډلې وکړه او په ټاکلو ۱۰ اورونو کې یې خپلې سیالې لوبډلې ته د درېيو لوبغاړو د ۱۴۴ منډې هدف کېښود، د لوبې په دويمه پاڼۍ کې مارکيټ ځوانانو لوبډلې د ټولو لوبغاړو په زيان ۵۹ منډې وکړې او په اوو ویکټو يې ماتې وخوړه.
