کندهار کې د ۴۰ب لوبډلو ترمنځ د فوټبال سیالۍ پای ته ورسېدې
د کندهار ولایت د بدني روزنې او ورزش ریاست اړوند د فوټبال فدراسیون د استازولۍ له لوري د یاد ولایت مرکز اړوند احمدشاهي لوبغالي کې د ۴۰ب لوبډلو ترمنځ د فوتبال شپنۍ سیالۍ د سعادت لوبډلې په اتلولي پای ته ورسېدې.
د یادو سیالیو پایلوبه د سعادت او ګران اتلان لوبډلو ترمنځ ترسره شوه، چې په پایله کې یې سعادت لوبډلې د ۵/۴ ګولونو په توپیر خپلې سیالې ګران اتلان لوبډلې ته ماتې ورکړه او اتلولي یې وګټله.
دا سیالۍ د ځوانانو لپاره د سالمې تفرېح برابرولو په موخه ترسره شوې، چې یوه میاشت یې دوام وکړ.
