کندز کې د ۷۵ چاپندازانو ترمنځ د وزلوبې سیالۍ ترسره شوې
د کندز ولایت د بدني روزنې او ورزش ریاست اړوند د وزلوبې ،نيزه وهنې او سيمه ييزو لوبو ملي فدراسیون استازولۍ له لوري د ياد ولايت په مرکز کې د ۷۵ چاپندازانو ترمنځ د وزلوبې سيالۍ ترسره شوې.
د دغو سياليو په پايله کې دوه اخرالاقه اعلان شول ،چې لومړی اخرالاق نظيف الله پهلوان د حال بای په آس او دويم اخرالاق برات پهلوان د حشمت ګلستان په اس د حلالې تر دايرې ورساوه او د سياليو ګټونکي شول.
د دغو سياليو د ترسره کېدو موخه وزلوبې ورزش ته وده ورکول او د ياد ولايت وګړو ته د سالمې تفريح برابرول و،چې يوه ورځ يې دوام وکړ.
