کندز؛ چهاردرې ولسوالۍ کې د ١٢ لوبډلو ترمنځ د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال فدراسيون د استازولۍ له لوري د چهاردرې ولسوالۍ په ایشان سیداعظم سیمه کې د ١٢ لوبډلو ترمنځ د فوټبال سیالۍ د ايشان سیداعظم لوبډلې په اتلولۍ پای ته ورسېدې.
د دغو سياليو په پايلوبه کې ایشان سید اعظم لوبډلې خپلې سيالې جمعيت لېسې لوبډلې ته د ۰/۱ گول په توپیر ماتې ورکړه او اتلولي يې وگټله.
د يادو سياليو موخه ورزش ته د ځوانانو هڅول او له نشه يي توکو څخه يې ليرې والی وو، چې شاوخوا يوه مياشت يې دوام وکړ.
