کندز؛ په امام صاحب ولسوالۍ کې د ۷۶ تنو چاپندازانو ترمنځ د وزلوبې سیالۍ ترسره شوې
د کندز ولایت د بدني روزنې او سپورټ ریاست اړوند د وزلوبې، نیزه وهنې او سیمه ییزو لوبو ملي فدراسیون د استازولۍ له لوري د امام صاحب ولسوالۍ په ریګ باسوس سیمه کې د ۷۶ تنو چاپندازانو ترمنځ د وزلوبې سیالۍ ترسره شوې.
دغه سیالۍ، چې یوه ورځ یې دوام وکړ، په پایله کې د میدان حکم له لوري دوه اخرالاقه اعلان شول، چې لومړی اخرالاق اسماعیل پهلوان د حاجي روح الله خان ناظري په اس او دویم اخرالاق بیا شمس الدین پهلوان د حاجي سرباز په اس تر حلالې دایرې ورساوه او د سیالیو ګتونکي شول.
