کندز؛ په امام صاحب ولسوالۍ کې د اووه لوبډلو ترمنځ د قهرمان ليګ په نوم د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند دفوټبال ملي فدراسيون د استازولۍ له لوري ياد ولايت په امام صاحب ولسوالۍ کې د اووه لوبډلو ترمنځ د قهرمان ليګ په نوم د فوټبال سيالۍ د اسيا ګروپ لوبډلې په اتلولۍ پای ته ورسیدې.
د دغو سیالیو پایلوبه د خورشيد او اسيا ګروپ لوبډلو ترمنځ ترسره شوه، چې په ټاکلي وخت مساوي پای ته ورسېده، خو په پنالټيانو کې اسيا ګروپ لوبډلې خپلې سیالې خورشید لوبډلې ته د۵/۴ ګولونو په توپير ماتې ورکړه او اتلولي يې وګټله.
د يادو سياليو موخه ورزش ته د ځوانانو هڅول و، چې يوه مياشت يې دوام وکړ.
