کندز؛ قلعه ذال ولسوالۍ کې د اتو لوبډلو ترمنځ د والیبال سیالۍ ترسره شوې
د کندز ولایت د بدني روزنې او ورزش امریت اړوند د والیبال ملي فدارسیون د استازولۍ له لوري د یاد ولایت په قلعه ذال ولسوالۍ کې د اتو لوبډلو ترمنځ د والیبال سیالۍ ترسره شوې، چې یوه ورځ یې دوام وکړ.
د دغو سیالیو په پایلوبه کې ارساري لوبډلې خپلې سیالې مولوي صاحب احمدي لوبډلې ته د ۱۸/۲۱ امتیازونو په توپير ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
